Поткастрување ЕП#03 / Стојанка Петровска

Секоја болест доаѓа од мисловен пад. Мислиш дали ти е доволна платата до први, па мислиш колкава ќе ти биде пензијата, па кога ќе се разболиш, мислиш дали ќе се најде лекот додека трае векот. И така мисловно паѓаш. Подсвеста на човекот е преполна со грижи, па затоа душата е немирна. А, што е човек без мир во душата? Само суштество одвоено од божјата благодет, кое залудно се обидува да пронајде утеха во материјални добра. Е, море Никола Тесла, знаеме ние дека кога душата постане мирно море, тогаш почнува исцелувањето. Но, не знаеме како да преживееме со пензија од неполни двесте евра и дијагностициран рак. Изворот на сите болести е во духот, а ни го кршат постојано, со или без физиолошки раствор наместо цитостатик. Дали духот на Стојанка ќе успее да ја победи болеста? Дали навистина овие бејбибумери го упропастија светот и што значи тоа да се биде позитивен – дознајте од новото поткастрување.