Рачно изработени чанти со уникатен дизајн кои промовираат одржливата мода

Креативност, традиционална рачна изработка и современ дизајн споени во уникатни модни додатоци. „Chvor Bags“ е мал македонски креативен проект од Скопје, кој преку рачно хеклани чанти од памучен текстил ја промовира одржливата мода. Со разиграни бои, автентични модели и посветеност на деталите, овој бренд покажува како рачната изработка може да прерасне во препознатлива модна приказна. Повеќе детали од прилогот на Бјанка Тодорова која го изработи целосно со мобилен телефон во рамките на Академијата на МРТ за мобилно новинарство.