Централен митинг на кандидатот за претседател Блерим Река - обраќање

Блерим Река - Вашиот глас е свет. Тој ниту се продава, ниту се дарува. Затоа излезете масовно на гласање без разлика која партија ја поддржувате. Дури и вие од ДУИ, ДПА, Алтернатива, НДП, сите што веруваат на концептот Една република за сите. Со вашиот глас покажувате дека не сте анонимни, дека не се статистика од 20 отсто. Сведочите дека не сте за статус кво нација, кажувате дека не сте само гласачи, туку активни учесници во демократијата, бидејќи досега ниту еднаш Албанец не е избран за претседател на оваа држава. Ова ќе се смени на 21 април. На 21 април вие прв пат ќе изберете претседател каков што посакувате. Тетово дали си за претседател Албанец за Републикава? Вие сте тие што одлучувате, вашиот глас ќе ја направи Република Северна Македонија една вистинска мултиетничка држава, а не моноетничка и една евроатлантска република. Вие и само вие одлучувате за промена. Затоа гласајте со срце, гласајте за број еден.