Сузбиена меѓународна криминална група за нелегална трговија со дрога, приведени 10 лица

Сузбиена меѓународна криминална група за нелегална трговија со дрога, приведени 10 лица, запленета дрога со вредност од над 200.000 евра На 22.02.2022 од страна на полициски службеници од Бирото за јавна безбедност - Оддел за криминалистичка полиција, Сектор за недозволена трговија со дрога оружје и опасни материи, во содејство со Одделот за специјални полициски операции со САЕ„Тигар“, Единицата за брзо распоредување, како и Одделот за сузбивање на сериозен и организиран криминал, Оперативен тим потраги, Единицата за недозволена трговија со дрога и Единицата за интервентна полиција при СВР Скопје, по насоки од надлежен Јавен обвинител од Основното јавно обвинителство за гонење на организиран криминал и корупција Скопје, на подрачјето на Скопје беше спроведена заедничка координирана полициска акција, во која се лишени од слобода 10 лица и запленети се околу 40 килограми марихуана со вредност над 200.000 евра. Со ова е сузбиена меѓународна криминална група во која покрај наши државјани, учествувале и албански и косовски државјани, кои биле инволвирани во недозволена трговија и продажба на наркотични дроги, така што организирале транспорт на марихуана од Албанија преку Косово во нашата држава, со цел понатамошен транспорт за Турција.