Сања Митровска: „The Founder Games“ – каде што стартапите стануваат ѕвезди I New Biz Podcast #17 ​

Во епизода #17 од New Biz Podcast разговараме со Сања Митрoвска, девојката која стои зад „The Founder Games“ – првото македонско, а од оваа сезона и балканско реално шоу за стартапи. Таа креираше платформа на која амбициозни претприемачи се натпреваруваат со своите идеи и добиваат шанса да ги претворат во бизниси вредни за инвестирање.​ Во разговорот, Сања отвора важни теми за сите што сакаат да започнат или веќе градат свој стартап. Што е, а што не е стартап? Како се препознава добра бизнис идеја? Кои се инвестициски фондови и ангели- инвеститори, и како да дојдеш до нив? Како реалното шоу може да стане отскочна даска за реален успех?​ Како претприемач со визија, Сања преку својата работа се залага за поголема видливост на старт-ап сцената на Балканот, градење екосистем каде младите луѓе добиваат поддршка и за рушење на бариерите помеѓу идејата и инвестицијата. Оваа епизода е вистинско упатство за сите што сакаат да го пронајдат патот до инвеститорите и да создадат бизнис со потенцијал за глобален раст. Не ја пропуштај!​ Проектот е копродукција на @webmindmk и @parimedium, поддржан од #SustainMedia програмата на GIZ.