Ако не се одржуваат, мостовите може секој миг да се урнат

Најчесто властите апелираат да не се шири паника, но се случуваат сериозни несреќи особено при лоши конструкции на градби како таа со настрешницата на железничката станица во Нови Сад која била тешка 26 тони и која ненадејно се урна при што загинаа 16 луѓе. Инженерите апалирале на недостатоците, но сепак нивните повици биле игнорирани. Во септември годинава мостот Карола на реката Елба, во германскиот град Дрезден, ненадејно се урна, по што делови од него, што го поврзува историскиот стар град со новиот град, паднале во реката. За среќа тогаш немаш повредени бидејќи несреќата се случи во три часот по полноќ. Причина за уривањето најверојатно е корозија на металната конструкција. Но каква е состојабата со мостовите во Скопје, ги има 20-тина и за нив е надлежен Градот Скопје. По пожарот на мостот „Беласица“ минатата година, кога изгореа цевските на ЕСМ, градските власти постојано даваа изјави кои се спротивни на оние на кои предупредуваа стручните лица и професорите од Градежниот факултет во Скопје, а тоа е дека мора да се направат сериозни проценки и тестирања пред овој мост да се пушти во употреба, особено сега откако се монтираат новите цевки. Но во Скопје други два моста се наоѓаат во т.н ризична група на мостови, а тоа се мостот „Обединети нации“ меѓу населбите Влае и Карпош 4, како и мостот „Гоце Делчев“ во центарот на градот. На оваа тема разговаравме со д-р Горан Марковски, професор на катедрата за бетонски конструкции и мостови на Градежниот факултет на УКИМ.