Да се биде патронажна сестра е животен повик, а не професија

Снежана Какасулис е патронажна сестра со 40 години работен стаж 👩‍⚕️ – професија што ја избрала уште како девојка, на неполни 19 години, и на која ѝ останала верна цел живот. Денес, без двоумење вели: и повторно би го направила истиот избор. Голем дел од својот работен век го поминала на терен, во село Вратница, каде цели 25 години работела со семејства, родилки и новороденчиња 👶. Тоа бил период кога во селото имало многу породувања, многу бебиња и многу живот. Во некои години, се раѓале и до 250 бебиња годишно. Работата никогаш не ѝ била тешка, иако најчесто се одело пеш, од дом до дом 🚶‍♀️. Причината е едноставна – љубовта и радоста што секојдневно ги добивала од луѓето 🤍 не оставаат простор за замор или тешкотии.