Гласот за мене е глас за рушење на вмровскиот систем во Кочани | Венко Крстевски

Екипата на порталот Раци.мк пристигна во Кочани во пресрет на вториот круг на локалните избори во овој град. Двајца кандидати останаа, како што е предвидено со законот, господинот Венко Крстевски и господинот Владко Грозданов. Венко Крстевски, како независен кандидат и актуелен градоначалник на Кочани, а господинот Владко Грозданов како кандидат на ДПМНЕ. Во преписката што ја имавме со двајцата кандидати им ветивме дека ќе добијат подеднакво време за искажувања на прашањата што им ги подготвивме и што им ги испративме предвреме за да се подготват и дека ќе добијат по шеесет секунди, односно по една минута одговор за секое од прашањата. Господинот Венко Крстевски веднаш ја прифати нашата понуда и со него разговаравме овде во Кочани. За жал, господинот Грозданов во последен момент ја одби понудата на Рацин.мк, иако претходно се договаравме дека ќе го направиме тоа интервју под еднакви услови заедно со господинот Венко Крстевски и дека ќе имаат еднакви шанси да се искажат за својата програма пред вториот круг на изборите во Кочани. Грозданов не одби, тоа е негов избор. Остана интервјуто со господинот Венко Крстевски и ви го пренесуваме во целост.