Mомчето кое после 20 години доби матичен број и лична карта | Валентин Ракип

Валентин Ракип е роден на 18 март 2002 година. Дваесет години подоцна, на 5 септември 2022 година, Валентин за прв пат е заведен во Матичната книга за родени. Денес после година и пол тој ги има сите лични докменти, лична карта, државјанство, здравствена книшка, картичка од банка... По 20 години живот во сенка, „невидливиот“ Валенетин Ракип стана видлив за институциите. Денес е државјанин на Република Македонија со права и обврски како сите останати. Додека многумина ги остваруваа своите соништа, Ракип две децении се бореше да биде запишан во матичната книга на родени и да добие документи. Денес вели се му е на дофат.