Од Будимпешта до Вардар: Балетската авантура на Балаж Лочеи

Балaж Лочеи, висок Унгарец со широка насмевка, го интервјуиравме во најтоплиот ден во Скопје оваа година помеѓу две проби на сцената на МОБ. Пет години му беа потребни на Скопје да му стане втор дом, а на него — едно летно попладне за да реши дека градот ќе биде неговата следна авантура. Оваа Сабота во „Наши Приказни“ разговараме за тоа како е да се биде странец во Македонија, зошто одлучил да се пресели тука и што научил за нашата култура и јазик.