Од неспособноста на Владата да се справи со ценовните шокови профитираат одредени кругови | Битиќи

Во серијата интервјуа „Имаме неколку прашања за вас“ разговаравме со пратеникот и поранешен вицепремиер за координација со економските ресори Фатмир Битиќи. Го прашавме дали американско-европската трговска војна ќе се одрази на Македонија, дали државата е подготвена на тие удари или само ќе бидеме неми посматрачи и дали последиците ќе се одразат и на растот на економијата којшто актуелната влада го проценува на 3,7%. Битиќи и понатаму останува на ставот дека останаа многу нејасностии околу унгарскиот кредит и дека останува да се види дали зад него стои политички договор со Унгарија кој, според него е договорен вининституционално. Соговорникот на Рацин.мк смета дека е неприродно Владата да стои зад бојкотот на маркетите, наместо да ги решава ценовните шкови за кои извршната власт ги има сите механизми, но очигледно е, според Битиќи, дека таа нема визија како да го направи тоа. Пратеникот Фатмир Битиќи смета дека минималната плата од 30.000 денари треба да биде реалност по што таа треба да го поттикне растот и на просечната плата во државата. Во интервјуто за Рацин.мк пратеникот Фатмир Битиќи оценува дека целосно потфрли создавањето на Министерството за енергетика, рударство и минерални суровини, бидејќи и после 8 месеци не се гледаат никакви резултати, а енергетската криза во земјата само се продлабочува. Со Фатмир Битиќи разговараше Зоран Бојаровски