Теона Митевска во Мајка Тереза препозна панк рок енергија | Лабина Митевска и Гоце Смилевски

Во ова издание на „Имаме неколку прашања за вас“ ги „собравме“ најважните поенти од прес конференцијата за филмот „Мајка“ на Теона Стругар Митевска, којашто кој ќе ја отвори престижната селекција „Хоризонти“ на годинешниот 81. Венецијански филмски фестивал, веќе е распродаден за кино дистрибуција во над 15 европски земји, вклучувајќи ги Франција, Германија, Италија, Шпанија, Данска, Шведска, Норвешка, Полска, Чешка, Финска, Белгија. „Мајка“ ќе се натпреварува во повеќе категории во Венеција, вклучувајќи: најдобар филм, режија, сценарио и актерски остварувања. Премиерата на 28 август е само почеток на неговото европско и светско фестивалско патување. За македонската публика, „Мајка“ ќе биде премиерно прикажан на 46. издание на Интернационалниот фестивал на филмска камера „Браќа Манаки“, што ќе се одржи од 20 до 26 септември во Битола. На прес конференцијата говореа Теона Стругар Митевска, режисерка на „Мајка“, Лабина Митевска, продуцентка на филмот, Гоце Смилевски, којшто го напиша сценариото и Сашко Мицевски, директор на Агенцијата за филм, и ова е изборот од нивните настапи пред новинарите што ги спакувавме во „Имаме неколку прашања за вас“.