За мене ДУИ е завршена приказна | Изет Меџити

Во ова издание на серијалот интервјуа „Имаме неколку прашања за вас“ разговараме со првиот вице премиер во Владата и министер за животна средина и просторно планирање Изет Меџити. За него се вели дека е највлијателната личност во коалицијата Влен, а како вицепремиер и во Владата. Во интерјуто за Рацин.мк Меџити вели дека како коалиција Влен, нема да инсистираат да има уставни измени само за државните симболи, грбот и химната, и за замена на терминот 20% со „албански јазик“. Тој инсистира на тоа дека сега засега нема политички договор за промена на државните симболи и дека се водат прелиминарни разговори. Многу простор даваме за нешто за што нема ништо конкретно, вели во интервјуто Меџити. „За тоа потоа, кога ќе седнеме и ќе разговараме. Ќе ги соочиме аргументите. Но, ако сакаме позитивно да гледаме на работите ќе најдеме многу позитивни историски настани, историски личности кои се поприфатливи. Во Илинденското востание, Крушевската република. Многу други нешат ни се заеднички во историјата. Ако сакаме да најдеме заеднички точки, ќе ги најдеме. Ако сакаме проблеми, ќе најдеме проблеми“, објаснува првиот вицепремиер. Во овој разговор со Меџити, тој вели дека за него ДУИ е завршена приказна, дека гласачите на бараат Влен да биде една партија и дека тој нее оптоварен од амбицијата за лидерска позиција во таа нова партија. Во интервјуто од серијалот „Имаме неколку прашања за вас“, Меџити одговара и на прашања за животната средина и за борбата на Владата против корупцијата.