Игор и Ана Дурловски, Сара Мејс и Димитар Атанасовски|Нешто Конкретно S05 Ep5

Во оваа епизода Игор и Ана Дурловски првпат ги гледаме во вакво „домашно“ светло. Откриваме дека Игор штеди на штекери, а Ана секогаш е во право Слушаме и како звучи опера за фрлање ѓубре, и каде Игор ја научил својата достоинственост и стоење зад став. Ана открива дека сите одлуки ги носат заедно, а на свадба носела пантолони — не за да покаже кој е „мажот дома“, туку затоа што била штедлива. На што Игор само дофрли: „Егеец сум јас за тоа…“ Димитар и Сара пак отвораат друга перспектива: Признаваат дека на почеток се делеле на „мои“ и „твои“ обврски, додека инаетот не ги научил дека сè е заедничко. Ги слушаме нивните вистини за грешките, за родителството, за улогите дома — и за тоа како партнерството се гради, дури и кога не е лесно. На крајот заклучуваме со прашањето-Дали нередот во општеството почнува од нередот во семејството?И ако е така — што треба секој од нас најпрво да среди дома?