Миа Костова, Сузана Турунџиева,Васка Леонтиќ |Нешто Конкретно S05 Ep3

ПРЕДРАСУДИ! Помлад маж, дете без татко, бременост без брак – жените што ѝ се спротивставија на најсилната моќ во Македонија: осудата Сузана Турунџиева првпат јавно ја откри вистината за врската со својот 10 години помлад партнер:„Немав поим дека ќе го земе моето презиме. Имаше моменти кога го правдавав зошто не е присутен во животот на мојата ќерка.“ Миа Костова призна дека нејзиниот татко девет месеци не ѝ зборувал, само затоа што одлучила да роди дете без зет и без свадба. Васка Леонтиќ ја сподели својата најболна вистина – ќерка ѝ е родена од донор, а прашањата што ја пресекувале секој ден биле: „Зошто јас немам татко?“ Децата во градинка ѝ зборувале „ти немаш татко“, а таа плачела затоа што немало кој да ја носи „на ушка“ како другите деца. Васка додаде: „Бидејќи сум фризерка и имав црвена коса, ме нарекуваа ‘к*рва’.“ Снеже Велков откри уште една предрасуда со која се соочила лично: „Ми рекоа дека затоа што сум мажена и имам деца – веќе не сум за на телевизија.“