„12“ (Гневни мажи) – Драма за правдата, казната и гневот

Драмата „12“ според „12 гневни луѓе“ на Реџиналд Роуз и „12“ на Никита Михалков во режија Синиша Ефтимов и во продукција Македонски народен театар ја имаше својата премиера 20 ноември 2024 година. Првично напишана во 1954 година, драмата ги истражува темите на правдата, предрасудите и моралната одговорност, што ја прави релевантна во овие времиња исто како во минатата епоха. „Х број на луѓе стално одлучуваат за нечија судбина. Во случајов имаме 12 поротници кои одлучуваат за судбината на едно дете. Тоа е основната фабула и можеш да извлечеш доста паралели. Она што е многу битно е дека станува збор за 12 рендом избрани луѓе. 12 луѓе кои се дојдени тука со својот светоназор, со своите погледни на свет, предрасуди... Дали се во право или не се во право, апсолутно е небитно и тргнуваат од својот порив приватен, личен, комплексите, мааните, доблестите кои ги носат со себе ги убацуваат во конкретната ситуација и онда расудуваат од таму поаѓајќи. И генерално станува збор за некомпетентност. Дури и оваа претстава заборува точно за тоа. Како 12 некомпетнтни луѓе одлучуваат за судбина на еден човек„ - вели режисерот Синиша Ефтимов.