14 годишната Тренчевска со уметност го афирмира македонскиот јазик

14 годишната Тренчевска со уметност го афирмира македонскиот јазик Создавањето на уметничките дела во проектот „ЛИКОВЕН АЗБУЧНИК“ од младата уметница Јана Танчевска ќе имаат за цел афирмација на македонскиот јазик како и културно уметничкото творештво на нашата земја. „Во овој проект сакам да ја доловам магичноста и значењето на ова богатство - Македонскиот јазик составен од буквите и нивните форми доловени во посебен момент, со посебни бои на емоции и мисли“, вели 14 годишната уметница Посочува дека барајќи ги буквите од македонската азбука и таму каде што на прв поглед не постојат создава сопствен уметнички израз кој претставува авторска синтеза помеѓу фотографијата, сликањето, дигиталната уметност и потенцирањето на мотивот. За Тренчевска всушност, идејата, замислата и поттикнувањето на ваков, единствен и благороден проект, претставува и своевидна хуманистичка и инспиративна интонација за откривањето на нашиот егзистенцијален оптимизам во духовен смисол. Истакнува дека тоа не е само авторски предизвик туку дијалог преку ликовниот јазик, низ сите времиња на нашето опстојување: минати, сегашни и идни. Учесници во проектот кои даваат огромен придонес и поддршка за негова реализација се уметниците Кети Талевска Бакревска како фотограф и Владо Ѓоревски како историчар на уметност. Проектот е поддржан од Министерството за култура на Р.С Македонија.