Ана Мартиноска: Психолошкиот напор е немерлив, буквално ја оттагувавме секоја жртва

Неделава се одржа промоцијата на монографијата „Тажачки песни од скопскиот земјотрес во 1963 г. (од архивските материјали на Васил Хаџиманов)“ од Ана Мартиноска и Жарко Иванов, во издание на Институтот за македонска литература (2023). Ова дело ќе остане во спомен на македонскиот етномузиколог, композитор и мелограф на македонски народни песни Васил Хаџиманов (1906-1969) и во спомен на жртвите на скопскиот земјотрес. Промотор на книгата беше проф. Илина Јакимовска, а свој музички настап имаше Васил Хаџиманов со пропратен бенд.