„Боцкаме на Кирилица“ во Бруталиск

Трн го организираше својот прв настан „Боцкаме на Кирилица“ во чест на големиот празник „Св. Кирил и Методиј”. Во богатото кирилично мени на настанот, ги собравме поговорките на Марко Цепенков кои ги интерпретираа Ивана Павлаковиќ и Несрин Таир, придружувани од музиката на Џијан Емин и диџејскиот перформанс на Васо. Давор Кешкец ни црташе кирилица, а ТеатроСк со статуата од собирачот на народно творештво, ги поздравуваше присутните на влезот.Го промовиравме и видеото „Кириличен позрав“ каде популарниот хит на Влатко Стефановски – „Кирилица“ доби нов лик преку интерпретацијата на Јовица Михајловски.