Џезот се враќа во градот: Амбер Џез Фестивал во Бруклински

Во срцето на Скопје, каде урбаната култура сè повеќе бара простор за слободен израз, „Амбер Џез Фестивал“ во Бруклински Џез Бистро се појави како интимен, но моќен глас на современата македонска џез сцена. Со топла атмосфера, органска соработка и љубов кон музиката, фестивалот го продолжува духот на Бруклински — место каде џезот не е само жанр, туку начин на живот. „Идејата за мене Амбер Џез Фестивалот е продолжение на духот на Бруклински, топлата атмосфера, слободата на изразот и љубовта кон џез музиката,“ вели Александар Насковски, еден од иницијаторите на фестивалот. Фестивалот не само што создава простор за вистинска џез атмосфера, туку и гради сцена базирана на пријателства и заедничка страст. Настаните се од огромна важност за новите таленти, но и за публиката која повторно се враќа кон софистицираната музика.