„Faithless“ на светска турнеа во дизајните на Катарина Лука и „Kali Rose“

Катарина Лука е родена во Скопје, но нејзиниот животен пат ја води низ светот. Како модерен номад, таа ги комбинира животните искуства од Индија и Шведска , создавајќи уникатен и глобален поглед на модата. Иако дипломирала на полето на комуникациите и медиумите, нејзината вистинска страст е модниот дизајн. Од мала ја следи својата љубов кон цртањето и дизајнот и нејзината креативност и упорност ја доведоа до врвот на модната сцена. Оваа недела мојот бренд Kali Rose го прослави својот седми роденден со уште еден голем успех. Нејзините модели ќе бидат дел од светската турне на Faithless. Ова е само уште едно од низата признанија на Катарина чии дизајни се препознатливи по својата оригиналност и смелост. „Верувам дека сè што ми припаѓа и сè што заслужувам – секогаш ќе го најде патот до мене. Така и се случи – едно утро добив мејл: „Здраво Катарина, ние сме менаџментот на Faithless, Sister Bliss е голем обожавател на твојата работа…“ Мислам дека наредните неколку часа плачев од среќа. Растена сум со нивната музика и јас сум тој фан што со години ја носел нивната енергија во себе а и ја пушта нивната музика, и сега дојде моментот таа енергија да се врати – преку оваа соработка. Да ја носат мојата облека значи да ја носат и мојата приказна, мојот сон. И тоа е нешто што нема цена. Kali Rose е сон на едно мало дете кое уште на петгодишна возраст почна да црта модели, но низ животот често беше потиснувано и насочувано кон други професии и патеки. Тоа дете, всушност, немаше вистинска зрелост сè до својата триесетта година – кога конечно одлучи да го послуша сопственото срце. Брендот се роди во Индија, каде што тогаш живеев и работев како фотограф. Работев на многу различни настани и едиторијали, но во еден момент повторно се разгоре жарчето во мене – силното чувство дека ова е тоа што навистина го сакам. Да создавам, но не за другите – туку за себе. Името Kali Rose доаѓа од моќната, темна, трансформативна божица Кали – црната божица. Таа симболизира сила, слобода и преродба – сè она што овој бренд го носи во себе. “