Филмскa магиja покрај Дрим: Drim Short Film Festival 2025

Во срцето на Струга, покрај Дрим, започна деветтото издание на Drim Short Film Festival – културен настан кој од година во година ја позиционира Македонија на интернационалната филмска мапа. Од 7 до 10 август, Паркот на поезијата, Europe House и други локални локации се претворија во сцени каде што кратките филмови, разговорите и музиката се спојуваат во едно искуство на уметност и заедништво. Годинава фестивалот со особена чест го најави Флориан Хофмајстер – еден од највлијателните кинематографи на денешницата – како специјален гостин. Добитник на BAFTA и Primetime Emmy за Great Expectations, номиниран за Оскар за TÁR, Хофмајстер е име што го обележува современото филмско и ТВ раскажување. Неговата работа на True Detective, The Terror и Pachinko е пример за визуелна поетика и длабочина.