ФИНКИ го гради дигиталниот екосистем на Македонија

Факултетот за информатички науки и компјутерско инженерство (ФИНКИ) при УКИМ го претстави својот Центар за дигитални и информатички технологии на годинашниот АИ самит во Скопје. Настанот, кој по третпат се одржува во Македонија, ги обедини водечките експерти, компании и академски претставници во областа на вештачката интелигенција. Професорот Боро Јакимовски, кој беше дел oд самитот, во интервју за Трн вели дека ФИНКИ уште од своето основање има јасна визија за развој на националниот дигитален екосистем. „ФИНКИ уште од самото создавање активно работи на развој на екосистемот поврзан со дигиталните и информатичките технологии. Нашите активности се насочени кон поддршка на компаниите во развојот и продлабочувањето на нивните производи и услуги со користење на модерните технологии,“ вели профeсор Јакимовски. Тој посочи дека самиот настан претставува значаен момент за домашната ИТ заедница. „ЕА самитот веќе трета година е присутен во Македонија и претставува светла точка каде се среќаваат луѓе кои ја делат визијата за новите технологии. Посебно радува што имаше и македонски говорници, успешни и дома и во странство,“ додаде тој.