FUNK SHUI: Бендот што го освои регионот

FUNK SHUI е еклектичен колектив од Северна Македонија, движен од неизмерна љубопитност да истражува нови музички хоризонти. Од нивниот дебитантски албум Aether (2012), преку R.E.M. (2015) и ЕП-то Impuls (2018), бендот постојано се развива, усовршувајќи го својот уникатен звук и визија. Она што ги издвојува FUNK SHUI е нивната способност да создадат музичко искуство што ги надминува жанровските ограничувања—спој на емоции, стилови и инспирации што тешко се ставаат во рамки. Со секое ново издание, FUNK SHUI го поместува врвот на модерната музичка сцена, поставувајќи нови стандарди за креативност и автентичност. Признанијата не изостанаа—бендот настапуваше на престижни музички фестивали низ Европа, како Eurosonic ESNS, Mondo.NYC, MENT Ljubljana, Athens Music Week, PIN Music Conference и Liverpool Sound City. Посебно значаен момент беше признанието за нивниот сингл METEORI, прогласен за „Сингл на годината 2020“ од регионалната публика на музичкиот портал Balkanrock. Во изминатите две години бендот се фокусира на турнеи и незаборавни живи настапи. Веќе имаат настапувано низ Велика Британија, Полска, Австрија, Германија, Холандија, а последниве месеци реализираа и неколку турнеи низ Балканот од која последната е Хрватска и Црна Гора. Со FUNK SHUI бевме на Водно, местото каде велат градот дише и ги инспирира за нова музика. Малку зборуваа, многу повеќе пееа .