Ѓултен Мустафова за предизвиците на жените Ромки

Ѓултен Мустафова е еден од најгласните борци за правата на жените Ромки во Македонија. Како проектен менаџер во „Ромалитико“ и долгогодишен активист, таа неуморно се залага за подобрување на нивната економска, социјална и образовна положба. „Ситуацијата на Ромките во денешното општество не е на многу завидно ниво, иако невладините организации доста работат и сами и во соработка со владиниот сектор. Сè уште има многу предизвици кои ги спречуваат жените Ромки да ги уживаат истите права како останатите,“ вели таа. И покрај предизвиците, Мустафова верува дека решението е во образованието и економската независност. „Најважно е да се заврши образованието. Девојчињата мораат да го комплетираат своето школување и да се изборат за своите права. Со образование и вработување, добиваат право на глас. Тоа е единствениот пат кон промена,“ заклучува таа.