Хронологија на насилството: Кога институциите ѝ велат на жртвата – „Само Господ може да ти помогне“

„„Јас сум следната Росица си помислив, а во МВР ми рекоа – Господ нека ти е на помош!“, беше првото нешто што го кажа жена жртва на насилство, во нејзиното сведоштво, објавено во медиумот „Лице в лице“, есента 2025 година, непосредно по фемицидот во Велес. Шест месеци подоцна, истата жена во разговор за Трн, а во соработка со „Лице в лице“, ја открива хронологијата на насилството, од психичка контрола до физички напади и закани со убиство, но и чувството дека системот не прави проценка на ризик и не реагира доволно брзо.