ИРЛ истражува: Кој ја украде руската салата? | РеТрн ДУО

Во новата епизода на РеТрн ДУО ни гостуваат две храбри млади жени, докажани професионалки во истражувачкото новинарство во Македонија и пошироко. Сашка и Деница не се само ликови кои ги гледаме екран или на социјални мрежи – тие се симбол на упорност, истрајност и безрезервна посветеност на новинарската професија. А, ИРЛ не е само нивна приказна. ИРЛ е цел тим кој без страв од моќниците копа длабоко во секој агол на злоупотребите. Темите што другите ги избегнуваат, тие ги прифаќаат со решителност. Ниту цензурата, ниту забраните, ниту заканите не успеваат да ги спречат и исплашат. Тие се гласот на вистината, глас што одекнува дури и кога многумина сакаат да го замолчат. Во оваа епизода ги гледаме во малку поинакво светло – како истражувачи на нов случај. Тие две ќе се обидат да ја решат мистеријата на денот: Кој ја украде руската салата? Погледнете ја новата епизода на РеТрн ДУО, каде Сашка и Деница ќе одговорат на нашите брзи прашања, ќе ве насмеат, но и ќе ве потсетат зошто токму тие се симбол на храброто новинарство. Дали ќе го решат случајот? Останете со нас и дознајте!