Изложба „Станица Пропаганда“ на холандскиот уметник Јонас Стал во МСУ

Во Музејот на современа уметност викендов беше поставена самостојна изложба на светски познатиот уметник Јонас Стал – „Станица Пропаганда“. Холандскиот уметник, кој е специјален гостин на музејот е препознатлив по истражување на односот помеѓу уметноста, пропагандата и демократијата, а неодамна ја доби и престижната награда за визуелни уметности „Prix de Rome“. Кураторка на изложбата е Ивана Васева. Изложбата вели тој, ќе им даде на луѓето алатки за да развијат писменост на тема пропаганда, а дел од изложбата е програма наречена Школо за пропаганда и тоа школо навлегува детално во улогата на пропагандата во нејзиниот контекст. Значи улогата на пропагандата е одиграна во контекст на Македонија и особено поврзана со проектот Скопје 2014.