Видеото не е поставено на нашата страница — само го вградуваме плеерот на YouTube. Гледањето овде се брои на YouTube, а бројките за гледаност што ги прикажуваме се од YouTube.
Наш гостин во новата епизода на РеТрн е Јаков Спасов – еден од најхаризматичните и најпрепознатливи актери кај нас. Талентиран, ведар и со природна сценска енергија, Јаков со години е дел од ансамблот на Театар Комедија, каде зад себе има бројни улоги што публиката ги памети.
Покрај актерството, тој е и еден од ретките актери што сериозно и длабински ја познава биологијата и науките, што го прави неговиот поглед кон светот уште поинтересен.
Јаков е сопруг и татко на две деца – улога што, како што вели, му го сменила животот од корен.
Актерството е негова семејна приказна:
тој е трета генерација актери – по дедо му Стево Спасовски, татко му Драган Спасов – Дац, а актерскиот талент продолжува и кај неговиот помлад брат Стефан Спасов.
Во оваа епизода, Јаков искрено одговара на прашања како:
• Која му е омилената улога што ја одиграл во театар?
• Кој режисер најмногу го инспирира?
• Ако не беше актер – која професија би ја избрал?
• Кое му е омиленото хоби надвор од сцената?
• Што најмногу го нервира кај луѓето, а што го прави среќен?
• Која е најголемата промена откако станал родител?
• И што би променил во Скопје, ако може?
Јаков Спасов во РеТрн - епизода што не треба да ја пропуштите.