Јана Стојановска во РеТрн: Гласот што ги спојува театарот,филмот и музиката

Јана Стојановска – драмски и филмски актер, член на Драмски театар Скопје. На публиката ѝ е добро позната по улогите во серијата „Сенки на Балканот“, како и по бројни други македонски и интернационални филмски и театарски проекти. Но Јана не е само актерка. Таа е и фронтмен на бендот „Skopje Via“, заедно со Мишел – креатори на еден автентичен gypsy звук, бенд кој постои помалку од една година, а веќе остава силна трага на музичката сцена. Љубовта кон ромската музика кај Јана не е тренд – таа живее со неа повеќе од 20 години, како најверен фан, слушател и интерпретатор. Јана е една од најшармантните и најпрепознатливи актерки кај нас. На млади години се занимавала и со моделинг, а своевремено била и претставник на Македонија на „Miss World“. Денес – 🎭 одлична актерка, 🎤 непреценлив вокал, ✨ и уметница која со леснотија ги спојува театарот, филмот и музиката во едно. Во фокусот е и најновата, возбудлива соработка – 🎶 „Skopje Via“ и Раде Шербеџија, во преработка на легендарната песна „Kad umre ljubav“, која премиерно ќе биде изведена на 23 јануари, во Филхармонија, на концертот на Раде Шербеџија. Јана Стојановска во РеТрн – разговор за уметноста, сцената, ромската музика, новите почетоци и гласот што доаѓа од срце