Јас го создавам телото, а актерите душата на куклите

Кирил Василев е изработувач на кукли во Театарот за деца и младинци во Скопје. Неговите дела со децении се користат во претставите. Неговата архива е полна со скици, материјали, цртежи и кукли. Како што пренесува тој е мајсторот кој на куклите им го креира телото, додека актерите се оние кои на куклите им ја даваат душата. За да може една кукла да се искористи во целост и да и се даде карактер неопходна е соработка на кукларот со актерите и режисерот во претставата. „Зрното грашок и принцезата“ е куклена претстава која 30 години е на репертоарот и во која се уште се користат куклите изработени од Кирил Василев создадени во 90-тите години на минатиот век.