Каде е џезот денес? | РеТрн со Џијан Емин & Гоце Стевковски

Наши гости во новата епизода на РеТрн се Џијан Емин – диригент на Националниот џез оркестар и еден од најпрепознатливите современи музичари од регионот, и Гоце Стевковски – директор на оркестарот, автор и музичар со долгогодишно искуство на домашната и регионалната сцена. Џијан зад себе има меѓународна кариера, соработки со светски музичари и учество во бројни оркестри и проекти – од филхармонии до филмска и театарска музика. Гоце, пак, е автор и перкусионист има и албуми зад себе и е дел од значајни бендови,проекти и соработки во музиката. Воедно е и еден од клучните иницијатори за создавање на Здружението на џез музичари, кое денес е национална институција. Во оваа епизода зборуваме за џезот – каде е денес и колку е присутен кај нас, за љубовта кон музиката и предизвиците на професијата: * Може ли да се живее од музика во Македонија? * Каде се наоѓа џез сцената денес и колку е популарна? * И што би биле доколку не беа музичари? Џијан Емин и Гоце Стевковски во РеТрн ДУО.