Комеморација на Мирко Попов

Последно испраќање на човекот кој веруваше дека секогаш може подобро и повеќе   Животот на Мирко Попов нема почеток и крај     „Животот на Мирко нема почеток и крај. Во темелите на секоја зграда, во секој клуб, институција, плочник, во секој од малкуте останати скопски паркови стои името на овој човек. Мирко во се што правеше ги менуваше работите. Тој беше голем оптимист, никогаш не се откажуваше и секогаш велеше да не стануваме конформисти. Да продолжиме да го менуваме светот како тој што го менуваше. Mирко Попов беше галебот Џонатан Ливингстон на македонската современа култура. Човекот кој веруваше дека секогаш може подобро и повеќе. Дека небото не е лимит.“  Со овие зборови од Мирко се простија неговите пријатели и соработници на комеморацијата одржана во петокот во салата на Македоснката Филхармонија.