Културата не е декор: Приказната за КСП „Јадро“

Центар „Јадро“ не е само простор за изложби, концерти и книжевни промоции. Тој е првата јавна установа од областа на културата во Македонија основана преку јавно-граѓанско партнерство. Веќе седум години, овој мал културно-социјален простор во центарот на Скопје им обезбедува поддршка на независните уметници и организации и отвора простор за критичко размислување, јавен дијалог и создавање заедница. За идејата зад „Јадро“, неговото функционирање и предизвиците со кои се соочува независната културна сцена зборуваат коосновачката Искра Гешовска, директорот Ѓорѓе Јовановиќ и градоначалникот на Општина Центар, Горан Герасимовски. Како функционира единствениот модел на јавно-граѓанско партнерство во македонската култура и зошто ваквите простори му се неопходни на Скопје – погледнете во видеото. #Јадро #НезависнаКултура #Скопје #Култура #ТРН