Марширање кон еднаквост за сите | Еднакви

Парадата на гордоста не е само прослава, туку акт преку кој се бараат слободите и правата, во свет кој континуирано ги маргинализира и потиснува. Излегувањето на улица, заземањето на јавните простори е симболика, барање за поддршка, прифаќање и солидарност за секој следен ден. Секој чекор на маршот е потсетување дека борбата за човековите права трае и денес. Љубов, прифаќање и еднаквост за сите се само дел од пораките кои се нејзин симбол. Не само на денот на нејзиното одржување, туку секогаш, како право. Парадата на гордоста не е само еднодневен настан или манифестација, туку симбол со важна историска позадина, кој ја носи пораката за меѓусебното прифаќање и еднаквоста во секоја смисла на зборот. Нашето сојузништвото во желбата за подобар и поправеден свет за ЛГБТИ+ луѓето треба да е стремеж на секое демократско општество. Стремеж кон највисоко почитување на човековите слободи и права. Парадата е потсетник дека имаме одговорност да бидеме сојузници во оваа борба. Во шестата епизода на серијалот видео колумни „ЕДНАКВИ со Ивана Јовановска“ тема е Парадата на гордоста - љубов, прифаќање и еднаквост за сите Серијалот видео колумни ЕДНАКВИ е во продукција на Трн. trn.mk/marshira%d1%9ae-kon-ednakvost-za-site/ instagram.com/trn.mk_/