Mолитви на моето тело - поезијата на Шопов прочитана преку јазикот на танцот и балетската уметност

Во Националната опера и балет беше изведена премиерата на  “Mолитви на моето тело”, балетска престава по повод 100 годишнината од раѓањето на Ацо Шопов. Балетската престава е триптих втемелен на дванаесетте песни на Ацо Шопов, единаесет од циклусот Молитви на моето тело и песната Раѓање на зборот. Песните се моќни, но интимни приказни за патувањето на љубовта пресликани во танцива игра. Идеjата за проектот е на Александар Ношпал, кој ги изработи и костимите за преставата во која учествуваше балетскиот ансамбл на НОБ. - Се дојде многу спонтано пред неколку години во еден неврзан разговор со едни мои драги луѓе. Се работеше многу долго. Се собра вистинскиот тим, се дополнуваше и се изменуваше и мислам дека ете на крајот го доживеавме тој голем ден и многу ми е чест и големо задоволство што токму денеска на денот на раѓањето на овој великан можеме да го презентираме ова дело ко  четири години веќе го подготвуваме- вели Ношпал.