Муралите носат нов живот на безбојните фасади - Акто 2024

Mуралите се израз на урбаната култура на градот. На современиот идентитет на градот, на супкултурата и на отпорот на младите. На нивната автентичност. Муралите го бојат сивилото на градот со пораки и слики кои даваат еден нов израз и носат еден нов прогресивен дух. Еден нов импулс на маалото. Пораките на муралите кореспондираат со актуелниот момент, со светот во кој живееме и со светот во кој сакаме да живееме. Тие се бунтот и изразот на младите уметници. Последниот мурал насликан на зградата спроти Студенсткиот дом Кузман ја отсликува солидарноста на заедницата соодветствува на моментот низ кој што поминува, не само градот туку и државата и светот. Акто фестивалот собра на едно место неколку млади уметници кои имаат што да покажат преку нивните дела на ѕидовите.