Музиката на Леб и сол со изведбата на Националниот џез оркестар премина во македонски џез стандард

Викендов во Македонската опера и балет музиката на  “Леб и сол” беше инспирација за целовечерниот концерт на Националниот џез оркестар. Под диригентска палка на Емин Џијан, вокалот на Евгенија Чанчалова, а со аранжмани адаптирани за џез музика беа изведени композиции на легендарниот македонски бенд. - Ние пораснавме со “Леб и Сол”. Постарата генерација од овој оркестар, како деца почнавме да свириме прво музика на  “Леб и Сол” и за нас дефинитивно е огромна инспирација да се прави и да се преаранжира музиката на овој култен бенд. Нивниот опус на работа е огромен. Има најразлични периоди каде им се менувал и начинот на компонирање и начинот на звук, на продукцијата, потоа изборот и пристапот кон концептите и темите вели Џијан Емин, музичар и диригент на концертот.