Новите згради ќе го задушат Лисиче, граѓаните гневни протестираат

Итно да се повлече спорнот Детален урбанистички план, да не се навлегува во приватниот имот на луѓето и на местото каде се предвидени згради да се изградат паркови, а не гасна комора, порачаа на денешниот протест на булеварот Србија жителите на населбата Лисиче. -Уште колку населби и колку животи треба да се уништат за да се задоволат нивните болни апетити за профит?- праша гласно денес во името на сите жители на населбата Тодор Кацаров, еден од организаторите на протестот.