ПИН Музичка конференција, прослава на трансформативната моќ на музиката

Викендов МКЦ беше домаќин на 10 тото јубилејно издание на ПИН Музичката Конференција, настан кој на едно место собра околу 300 делегати и повеќе од 50 изведувачи од 30 држави. Конференцијата е прва, единствена и најголема меѓународна музичка конференција во земјава. Според организаторите, ова е единствен настан кој ги поместува границите нудејќи разновидна палета на жанрови преку своите панели, работилници и перформанси. ПИН, велат не е само конференција, тоа е прослава на трансформативната моќ на музиката, каде што се споделува знаењето, се создаваат мрежи на идна соработка и одекнува ритамот на креативноста.