По ,,патот на четката" до внатрешен ресет во Новата година со Иванчо Горјанин и Тони Зен

Велат, секој почеток е нова надеж, а со Новата година во Јапонија со векови доаѓа и Какизоме. Какизоме е традиционален јапонски новогодишен обичај што се одржува во Јапонија на првиот ден од новата година и така со векови. Зборовите „какизоме (書初)“, ако буквално ги преведете би значеле: „прво пишување“, а спорер јапонската култура тоа е термин за првата калиграфија напишана на почетокот на годината. Обично содржи новогодишни резолуции или добри желби. „Начинот на кој ја давате експресијата е важен, а не дали држите четка или меч“, вака ја започна Иванчо Горјанин својата приказна за поврзаноста на кендо и шодо на првиот ден од новата календарска година, додека со Тони Зен се подготвуваа за своите канџи.