Поткаст на „Силата ЕУ младите” со артисти кои ја промовираат прогресивната македонската култура

Во склоп на платформата „Силата ЕУ младите” во „Бруталиск” се одржа поткаст на тема „Младата генерација на македонски менаџери и продуценти во музиката и културата” и низ дискусија се претстави работата на Марко Аврамоски и Филип Тасевски, млади менаџери и продуценти кои градат различни заедници на соработка преку кои влијаат и ги менуваат условите за работа, презентација, промоција и препознавање на македонската музика и култура во земјата и Европа. Марко Аврамоски е идеен творец и менаџер на уметничката заедница „Дигиславија”и поранешен менаџер на музичкиот колектив на млади техно диџеи ОВЦ колектив, а Филип Тасевски – Fitz е музичар, текстописец, композитор, продуцент и менаџер на „Земјотрес”-Фестивалот на свежа домашна музика.