Премиера на „Демнејќи го Годо“ прва копродукција помеѓу Турскиот театар и Театар Комедија

По една деценија работа под ист покрив, најстариот,Турскиот театар и најмладиот Театар Комедија ја создадоа и првата нивна копродукција. Со премиерата на „Демнејќи го Годо“, на добро познатиот и ценет словенечки автор, Драго Јанчар, овие два ансамбли ги потврдија своите основи на одлична соработка која се темели на колегијалност и разбирање, на негување на исти вредности на театрската сцена која значи живот за секој актер, и на мултикултурализмот, една од највредните одлики на нашето општество. Покрај досегашната партнерска усогласеност во однос на репертоарот, во оваа продукција тие ги соединуваат и креативните капацитети. Со тоа двата ансамбли го кренаа нивото на своите можности, и понудија нов модел за нов квалитет на театарските изведби во популаниот објект на Комедија.