Распеани Валандовчани - 40 вљубеници во изворната македонска музика и визијата на Мирко Попов

Изданието на ансамблот„Распеани Валандовчани“ ќе биде 14то по ред винил издание на македонска музика, како резултат на работата на Мирко Попов и неговите соработници. Оваа плоча, ќе кажат неговите соработници, е дел од прогресивната мисла и визија за поквалитетен живот во нашата земја која Мирко Попов неуморно ја градеше преку продуцирање, издавање и промовирање автохтона македонска музика, вткаена во творештвото на различни генерации автори и изведувачи. Изданието е продуцирано во соработка со Владан Дробицки. „Распеани Валандовчани“ ќе се надоврзе во низата од 300 изданија македонска музика, како дел од работата на Попов. Овој музички проект, воспоставува и историска врска со семејното потекло на скопјанецот Мирко Попов. Винилот ќе излезе за „ПМГ Џез“ во продукција на Здружението за развој на музика и култура „Крај Вардарот“.