РИСТО ВРТЕВ (АРХАНГЕЛ): Живееме во невиден политички циркус, културата е фрлена на маргина!

По пауза од повеќе од две децении, култниот фронтмен на „Архангел“, Ристо Вртев, се враќа во студиото и на големата сцена. Човекот чија поезија стана безвременска урбана лектира и чиј бенд го дефинираше македонскиот рок-звук, во ова ексклузивно интервју за Трн зборува брутално искрено за македонската реалност. Пред големиот концерт на 13 јуни на стадионот на АРМ во Скопје (каде како гости ќе настапат „Васил Хаџиманов бенд“), Вртев отворено се соочува со теми кои многумина ги премолчуваат: падот на културните критериуми, естрадизацијата на политиката, денешните „оловни дни“, каде згрешивме на европскиот пат и зошто за естаблишментот тој не постои на мапата. #РистоВртев #Архангел #МакедонскиРок #Интервју #Трн