Слика, тон, емоција и многу насмевки - Трн на КОНОПФЕСТ 2024

Дружење, љубов, среќа, емоција го одбележаа и годинешново издание на Конопфест 2024 кој се одржа на 20 април, односно на светскиот Ден на канабисот. Градскиот парк по непишано правило и годинава беше централното место, а луѓе од разни генерации пркосејќи му на балканскиот менталитет одблиску научија за некои од бенефитите од канабисот. Конопфест и тоа како има директно влијание на јавната свест, а тоа го потврдуваат масовните посети кои стануваат препознатлив белег на фестивалот. И годинава продолжува традицијата на ролање најкреативен, но и најдолг џоинт. Според Мартин Палашев, основач на Булмак дистрибушн, официјални увозници на OCB rolling papers во Македонија општо е познато дека во сите друштва има најбољи ролач. Конопфест е место за мајсторите над мајсторите во ролање. Што се случуваше, кој и како се забавуваше, но и на каква музика со слика и тон, но и многу емоција ви пренесува Трн.