„Стереолаб“ - нов звук во етерот

Новото online радио Стереолаб кое стартува на 14 февруари се фокусира на промоцијата на новата независна македонска музика, запознавање на публиката со нови музички тенденции од целиот свет и поттикнување јавна дебата на разновидни теми од областа на културата. Радиото ќе работи во рамки на Лабораториум и оттука и нивната мисија да негува средина во која уметниците и креативците слободно се изразуваат и разменуваат идеи, со верба во трансформативната моќ на колективната експресија. ,,Стереолаб верува во трансформативната моќ на културата, уметноста и независните умови. Нашата желба е да Ве инспирираме и ангажираме. Го славиме и локалното и глобалното. Го браниме правото да зборуваме слободно. Посветени, овој град да биде достојно место за живеење”. Главен уредник на Стереолаб е Дарко Јорданов, а за реализација на програмата се ангажирани повеќемина соработници – најголемиот дел од нив се етаблирани радио водители и диџеи, но и млади луѓе, чие време допрва доаѓа.