ВИ ќе го трансформира фудбалот, тренерите ќе имаат повеќе време за да ја направат играта поубава

Со вештачка интелигенција ќе добиеме поинтересен, покреативен и поразновиден фудбал Магијата во фудбалот е секогаш дело на човекот и околностите во моментот, што ниту еден математички модел не може да го предвиди, вели Петар Величковиќ од Google DeepMind и Tactic AI за Трн.мк. Величковиќ на AI Tech Summit во Скопје ја презентираше алатката Tactic AI, која ја револуционизира фудбалската тактика, а во интервјуто за Трн.мк зборуваше за ефектите што користењето на вештачката интелигенција ќе ги имаат врз фудбалот. „Во модерниот фудбал, тренерите и аналитичарите треба да потрошат многу време анализирајќи ги работите што се случиле во минатото за да одлучат како најдобро да ги искористат тие информации за донесување одлуки за тренерските и стратегиите за иднината. И во моментов се троши многу време на набљудување и не се троши толку време за креирање на креативниот дел од спортот со системи за вештачка интелигенција како што е Tactic AI“ вели Величковиќ.