Владимир Георгиев: Ја бирам уметноста на женското тело

"Игри на светлината, актови и портрети e новата изложба на фотографии на Владимир Георгиев која ќе биде отворена утревчер во галеријата на Младинскиот културен центар, МКЦ. Триесет и девет фотографии во големи формати кои ја отсликуваат убавината на женското тело. Овие фотографии се повеќе од визуелни претстави. Тие се израз на индивидуалност, убавина, емоции, интимност и независност. Актовите не биле само естетски прикази. Тие носатподлабоко значење, истражувајќи теми како идентитет, моќ, сексуалност и општествени норми. И додека понекогаш се соочуваме со предизвикот на објективизација, актовите во уметноста можат да бидат и простор за ослободување, рефлексија и подлабоко разбирање на женската природа. Изложбата не е толку смела има многу посмели работи, но актот е некако најатрактивно нешто за гледање. По убаво женско тело и жени се вртат. Кратко кажано. Мислам таа архитектура што Господ или природата ја направила кај човекот ја претставувам во најубаво светло. Тоа јас што го правам го кажува и името на изложбата, „Игри на светлината“. Разликата од порно и од уметничка фотографија е само светлото. Значи било кое женско тело може и едното и другото да се направи ако осветлиш на еден или на друг начин. Јас ја бирам уметноста. На моите фотографии дури и нема ни еротика. Ако се голи. Јас се враќам на уметничко видување на женско тело - вели Владо.