Внимание: Може ли Скопје со ваков јавен превоз да биде европска културна престолнина?

Откако Скопје беше избрано за европска престолнина на културата за 2028 година, екипата на „Внимание, внимание“ ги праша граѓаните: Дали една културна престолнина заслужува ваков јавен превоз? Граѓаните зборуваат дека најголем проблем на ЈСП е што превозот не е редовен, што автобусите доцнат и се создаваат гужви. Голем дел од граѓаните се жалат и на лошата хигиена во градските автобуси, а дел од помладите не користат јавен превоз и одат пешки или со велосипед. Дали скопјани заслужуваат помодерен, почист и поредовен автобуски превоз? Дали во автобусите треба да стават кеси за повраќање? Видете и слушнете во најновата анкета „Внимание, внимание – зборуваат граѓаните“, која се емитува на каналите на „Трн“ (на Фејсбук, YouTube и на Инстаграм). Целта на видео анкетата л е да се чуе гласот на граѓаните, посебно на младите, кој е запоставен во актуелниот медиумско-политички контекст. Гласот на граѓаните нѝ го претставува актерот Дениз Абдула, а продукцијата е на „Трн.мк“. Редакција Трн